Tjaldsvæðið Hlaðir

Við Hernámssetrið er 1.400 fermetra tjaldstæði fyrir tjöld, hjólhýsi, fellihýsi og tjaldvagna. Á tjaldsvæðinu eru tvö tunnugrill, leiksvæði fyrir börnin og góð salernisaðstaða, auk þess sem hægt er að fara í sturtu og vaska upp undir berum himni. Viss hluti tjaldsvæðisins er með rafmagnstenglum og einnig er losunarstöð fyrir ferðasalerni.

Sundlaugin er austan við Hernámssetrið og eru búningsklefar og vatnsgufubað í kjallaranum auk útiklefa. Sundlaugin er 16,67 x 8 metrar og við hana er einnig barnavaðlaug með rennibraut og tveir heitir pottar.