Öræfajökull er eldkeila á Suðausturlandi (Skaftafellssýslu).[1] Yfir fjallinu er jökulhetta þ.e. Öræfajökullinn sjálfur, sem er jafnframt syðsti hluti Vatnajökuls. Hann fyllir stóra öskju efst á fjallinu. Margir skriðjöklar skríða út frá jökulhettunni niður fjallshlíðarnar og um dali við fjallsræturnar. Meðal þeirra eru Svínafellsjökull, Virkisjökull, Kotátjökull, Kvíárjökull og Hrútárjökull. Á norðausturhlið fjallsins er Hvannadalshnúkur, hæsti tindur Íslands, 2.110 m. Öræfajökull er að hluta innan þjóðgarðsins íSkaftafelli sem markast af Öræfajökli í austri og Skaftafellsjökli í vestri.
Öræfajökull er megineldstöð og hefur gosið tvisvar á sögulegum tíma; fyrst 1362 þegar Litlahérað var lagt í eyði, og síðan minna gosi 1727. Mikið tjón varð í báðum gosunum og þeim fylgdi öskufall og jökulhlaup.
Heimild: Sjá hérMynd: Sveinn Ingi
Öræfajökull er áhugaverður staður á Íslandi sem vert er að heimsækja.
Engar umsagnir hafa verið birtar enn.
Skráðu þig inn til að gefa einkunn
Öræfajökull er hluti af fjölbreyttri náttúru, menningu og afþreyingu Íslands.
Við notum valfrjálsar greiningarkökur til að skilja hvernig vefurinn er notaður.