Tvísöngur

Tvísöngur – Seyðisfjörður

Tvísöngur er einstakt hljóðlistaverk staðsett í hlíðinni ofan Seyðisfjarðar, beint á móti fiskvinnslunni Brimberg. Verkið stendur hátt í brekkunni og sést víða að úr bænum.

Tvísöngur er eftir þýska listamanninn Lukas Kühne og er um 30 fermetrar að flatarmáli. Hæð verksins er á bilinu 2–4 metrar og samanstendur það af fimm steinhvelfingum.

Hver hvelfing hefur sína eigin tíðni sem myndar einn tón, en saman skapa þær hljómgrunn sem byggir á fornum fimmundarsöng. Gestir geta gengið á milli hvelfinganna og upplifað hvernig hljóðið breytist eftir staðsetningu og rödd.

Aðgangur að Tvísöng er öllum að kostnaðarlausu og er þetta vinsæll göngutúr fyrir fólk á öllum aldri. Gangan tekur að jafnaði 15–20 mínútur og liggur upp eftir gömlum malarvegi. Leiðin er með hæfilegri hækkun, farið er yfir litla læki og á leiðinni opnast fallegt útsýni yfir fjörðinn.

Þar sem verkið stendur nýtur gestur stórbrots útsýnis yfir Seyðisfjörð og fjallahringinn sem umlykur bæinn, sem gerir heimsóknina að einstakri samblöndu listar, náttúru og hljóðupplifunar.

Í næsta nágrenni má einnig finna áhugaverða staði á borð við Gufufoss, Seyðisfjarðarkirkju og frisbígolfvöllinn á Seyðisfirði, sem allir eru vinsælir viðkomustaðir gesta.