Tjaldsvæði Súðavíkur

Tekið var í notkun glæsilegt tjaldsvæði í Súðavík sumarið 2005. Tjaldsvæði er staðsett ofan til við félagsheimilið og er keyrt inn á svæðið frá innri enda Túngötu.

Útsýnið af tjaldsvæðinu er víðáttumikið og stórbrotið með sjónarhorn á fjallið Kofra í vestur, inn Álftafjörðinn og Kambsnesið í austri, ásamt því að hafa í augsýn á eyjuna Vigur sem er einn vinsælasti ferðamannastaður Súðavíkurhrepps.

Staðreyndir um tjaldsvæði Súðavíkur:

• Slétt og gróið tjaldsvæði, slegið vikulega.
  Nýtt þjónustuhús, opið 24 klst á sólarhring, með góðri inniaðstöðu, m.a. tvö salerni með vaski, heitt og kalt vatn.
  Salerni með sturtuaðstöðu fyrir fatlaða.
  Skolvaskur með heitu og köldu vatni, þurrkukassar.
  Næg sorpílát, útiborð og bekkir.
  Tenglakassar með venjulegum tenglum og 3ja pinna tenglum.
  Aðstaða til losunar affallsvatns og seyru af ferðavögnum.
  Stór fjölskyldugarður með fjölda góðra leiktækja í um 5 mínútna göngufjarlægð.
  Daglegt eftirlit umsjónarmanns og góð umhirða.
  Um 17 km. frá Súðavík til Ísafjarðar.

GJALDSKRÁ
Gjald fyrir tjald per nótt ....................................kr. 0
Gjald fyrir 12. ára og eldri per nótt:....................kr. 1.000
Gjald fyrir yngri en 12. ára per nótt:...................kr. 0
Örorku og ellilífeyrisþegar.................................kr. 500
Rafmagn fyrir ferðavagna per sólarhring:........... kr. 650

Heimild: Sjá hér
Mynd: Súðavík.is