Háteigskirkja

Háteigskirkja

Háteigskirkja stendur við gatnamót Háteigsvegar og Lönguhlíðar / Nóatúns í Reykjavík og er kirkja Háteigssafnaðar.

Háteigsprestakall var stofnað með lögum 17. júlí 1952. Árið 1963 breyttust sóknarmörk með stofnun Grensásprestakalls. Kirkjan sjálf var vígð á aðventu árið 1965.

Í upphafi var söfnuðurinn án eigin kirkju og voru guðsþjónustur haldnar meðal annars í Fossvogskirkju og í hátíðarsal Sjómannaskólans. Bygging Háteigskirkju hófst í september 1957. Arkitekt kirkjunnar var Halldór H. Jónsson og tók Þórður Jasonarson, formaður sóknarnefndar, fyrstu skóflustunguna.

Þegar Sigurbjörn Einarsson biskup vígði kirkjuna árið 1965 var ýmsu enn ólokið. Með tilkomu safnaðarheimilis árið 1996 gjörbreyttist aðstaða safnaðarins. Safnaðarheimilið stendur norðan við kirkjuna og er tengt henni með glergöngum.

Háteigskirkja er eitt helsta kennileiti hverfisins og gegnir mikilvægu hlutverki í trúar- og menningarlífi miðborgar Reykjavíkur.