Kirkjubæjarklaustur

Suðurland

120 Manns

Sjá á korti

1523 skoðað

Staðurinn hét Kirkjubær á Síðu fyrr á tíð og var þar löngum stórbýli. Þar hefur nú myndast kauptún, eina þéttbýlið í hreppnum með um 120 íbúa.
Kirkjubæjarklaustur, í daglegu tali nefnt Klaustur, er miðsvæðis í hreppnum og þaðan liggja leiðir til allra átta. Þjóðvegur nr. 1 (hringvegurinn) liggur í gegnum hreppinn.


Á Kirkjubæjarklaustri er stunduð verslun og er þar margvísleg þjónusta við íbúa og ferðamenn. Kirkjubæjarklaustur á sér langa og merka sögu. Talið er að fyrir landnám norrænna víkinga hafi Papar haft búsetu á Kirkjubæjarklaustri, segir sagan að þar hafi ávallt búið kristnir menn en heiðnum mönnum hafi ekki verið heimil búseta. Þar bjó landnámsmaðurinn Ketill hinn fíflski. Eftir Ketil vildi Hildir Eysteinsson úr Meðallandi færa bú sitt í Kirkjubæ, en hann var maður heiðinn. Er hann kom að túngarði féll hann örendur niður og liggur í Hildishaugi sem er klettahóll skammt austan Klausturs. Árið 1186 var stofnað nunnuklaustur af Benediktsreglu í Kirkjubæ. Klausturhald hélst nær óslitið fram til siðaskipta árið 1554. Mörg örnefni á staðnum og þjóðsögur tengjast klausturlífinu og kirkjusögunni.

Frá Kirkjubæjarklaustri er stutt í nokkrar þekktustu náttúruperlur á Íslandi eins og Jökulsárlón, Skaftafell, Lakagíga og Landmannalaugar.

Heimild: Sjá hér

FIM
04-06-2020
7°C
SA 5
FÖS
05-06-2020
8°C
NNA 8
LAU
06-06-2020
10°C
SA 2
SUN
07-06-2020
10°C
S 2
MÁN
08-06-2020
8°C
ASA 4
ÞRI
09-06-2020
11°C
SSV 5
MIÐ
10-06-2020
14°C
ASA 2
Gögn eru sótt frá Vedur.is, veður stöðin heitir: Kirkjubæjarkl (Sandur)
Vegalengd Frá Reykjavík




© Anton Stefánsson | antonstefans@gmail.com