Reykjavíkurtjörn

Tjörnin, einnig kölluð Reykjavíkurtjörn, er grunnt stöðuvatn í miðbæ Reykjavíkur. Vatnið í Tjörnina kemur úr Vatnsmýrinni sunnan við hana og rennur úr henni um Lækinn, sem liggur undir Lækjargötu og til sjávar í Reykjavíkurhöfn.

Við Tjörnina standa margar merkilegar byggingar, þar á meðal Ráðhús Reykjavíkur, Iðnó, Tjarnarskóli, Listasafn Íslands og Fríkirkjan í Reykjavík. Í nágrenni hennar er einnig Hljómskálagarðurinn, eini lystigarðurinn í miðborg Reykjavíkur.

Í og við Tjörnina er fjölbreytt fuglalíf og svæðið er vinsælt útivistarsvæði. Sérstaklega er algengt að foreldrar með ung börn heimsæki Tjörnina til að skoða fuglana og gefa öndunum brauðmola.

Mynd: Anton Stefánsson