Maríuhellar

Maríuhellar eru hraunrásarhellar í Svínahrauni, rétt norðaustan við vegamót Flóttavegar og Heiðmerkurvegar, á mörkum Urriðakots og Vífilsstaða. Hraunið er runnið úr Búrfelli ofan Hafnarfjarðar.

Hellarnir eru þrír talsins: Vífilsstaðahellir, Urriðakotshellir og Draugahellir. Sumir telja einnig fjórða hellinn til hópsins, sem er skammt frá og hefur á seinni árum verið nefndur Jósepshellir.

Tveir fyrstnefndu hellarnir, Vífilsstaðahellir og Urriðakotshellir, voru fyrr á tíð notaðir sem fjárhellar og eru því stundum kallaðir Fjárhellar. Nyrðri hellirinn var nýttur frá Vífilsstöðum en hinn frá Urriðakoti.

Í landamerkjalýsingu Urriðakots frá árinu 1890 er talað um „Fjárhellra mót Vífilsstöðum sem fyrrum hétu Maríuhellrar“. Talið er að nafnið Maríuhellar sé dregið af því að hellarnir hafi áður verið í eigu Viðeyjarklausturs, en klaustrið og kirkjan þar voru helguð Maríu, guðsmóður.

Mynd: Anton Stefánsson

Maríuhellar er áhugaverður staður á Íslandi sem vert er að heimsækja.