Kárahnjúkastífla

Kárahnjúkastífla er eitt stærsta vatnsaflsmannvirki Íslands og meginhluti Kárahnjúkavirkjunar á hálendinu norðan Vatnajökuls. Stíflan stendur við Fremri Kárahnjúk þar sem hún stíflar Jökulsá á Brú og myndar Hálslón ásamt Desjarárstíflu og Sauðárdalsstíflu.

Kárahnjúkastífla er 198 metra há og um 700 metra löng. Hún er grjótstífla með steyptri þéttikápu og er hæsta stífla sinnar gerðar í Evrópu. Hálslón nær inn að Brúarjökli og vatn úr lóninu er leitt um löng jarðgöng að Fljótsdalsstöð.

Þegar Hálslón fyllist síðsumars getur vatn farið um yfirfall við vestari enda stíflunnar og myndað fossinn Hverfanda niður í Hafrahvammagljúfur.