Sundlaugin Selárdal

Ósk
Séð

Austurland

Sjá á korti

1350 skoðað

Sundlaugin er 3,5 km frá þjóðvegi 85 á leið til Bakkafjarðar, 12 km frá Vopnafjarðarkauptúni. Laugin stendur á bakka Selár þar sem hún rennur í grunnu gljúfri. Leitun er að jafn fagurri staðsetningu fyrir sundlaug enda laugin rómuð fyrir umhverfi sitt.

Gæsla er við laugina að sumarlagi.

Laugin er að jafnaði 30-33°C. Í enda hennar er 60 cm djúp vaðlaug, 32-35°C. Tveir heitir pottar eru við laugina, annar 38-40°C, hinn 40-42°C.

Aðgengi fyrir hreyfihamlaða er gott. Nestisaðstaða og stór sólpallur er við laugina.

Heita vatnið kemur upp úr heitri laug við sundlaugina, á seinni árum hefur verið reynt að auka vatnsmagnið með borun nokkrum sinnum með fremur litlum árangri.

Laugin var byggð sumarið 1949 af félagsmönnum í Einherja, ungmennafélagi Vopnafjarðar. Byggðu þeir laugina að mestu í sjálfboðavinnu og var hún vígð sumarið 1950. Endurbætur hafa verið gerðar á lauginni og er hún í ágætu ástandi, ávallt hefur þess verið gætt að halda umhverfi laugarinnar snyrtilegu. Fram undir 1975 var sundkennslu þannig háttað að nemendur dvöldu 1/2 mánuð í vist í húsum laugarinnar og mun oft hafa verið glatt á hjalla á þessum sundnámskeiðum.

Laugin er opin vetri en ekki er vörður á staðnum. Sundkennsla fer fram í sundlauginni að hausti og vori.

Sími: 473 1499

 

Heimild: Sjá hér
Mynd: Jón Sigurðarsson

ÞRI
30-11-2021
-4°C - 4 m/sek
SSV 4
MIÐ
01-12-2021
-8°C - 7 m/sek
NV 7
FIM
02-12-2021
-2°C - 10 m/sek
SSV 10
FÖS
03-12-2021
-2°C - 5 m/sek
V 5
LAU
04-12-2021
-1°C - 9 m/sek
V 9
SUN
05-12-2021
-6°C - 3 m/sek
SV 3
MÁN
06-12-2021
-7°C - 3 m/sek
SSV 3
Gögn eru sótt frá Vedur.is, veður stöðin heitir: Sandvíkurheiði


Staðir nálægt mér

© Anton Stefánsson | antonstefans@gmail.com

Vefsíðan notast við kökur