Grindavík

Suðvesturland

2.837 Manns

Sjá á korti

1838 skoðað

Langflestir ferðamenn sem koma til Íslands fara í vinsælasta ferðamannastað landsins, Bláa lónið enda á lista National Geographic yfir 25 undir veraldar. Færri vita að Bláa lónið er staðsett í Grindavík en miðbærinn er aðeins í 5 mínútna fjarðlægð. Grindavík er sjávarútvegspláss í fremstu röð á Íslandi en þar búa um 3000 manns. Eftir að hafa baðað sig í Bláa lóninu er tilvalið að skella sér til Grindavíkur en þar eru vandaðir matsölustaðir sem sérhæfa sig m.a. í fiskmeti. Þarna er gistiheimili, eitt glæsilegasta tjaldsvæði landsins, einn af bestu golfvöllum landsins sem nýbúið er að stækka í 18 holur, hið einstæða auðlinda- og menningarhús Kvikan sem býður upp á sýningar um auðlindirnar fiskveiðar og jarðorku og ýmis skemmtileg afþreying. Þar er jafnfram upplýsingamiðstöð fyrir ferðamenn. Þeir sem vilja fá útrás geta farið í fjórhjólaævintýri, eldfjalla- og hellaferðir, útreiðatúra eða hjólaferðir. Náttúran í landi Grindavíkur er best geymda leyndarmál landsins en sett hafa verið upp fróðleg upplýsingaskilti fyrir ferðamenn.
Hópsneshringurinn er heillandi en þar eru m.a. skipsflök og gamlar minjar. Í landi Grindavíkur eru náttúruperlur á borð við Gunnuhver, Brimketil, Eldvörp, Kleifarvatn, Þorbjarnarfell og Krísuvíkurberg.
Þá er gaman að sjá Reykjanesvita, skoða fjölskrúðugt fuglalíf, mannlíf og atvinnulíf við höfnina en Grindavík er ein stærsta verstöð landsins. Í Stakkavík er hægt að skoða nútíma fiskvinnslu sem mörgum finnst áhugavert. Þá er um að gera og nota tækifærið og dorga á bryggjunni. Þorbjarnarfell og nágrenni heillar útivistarfólk en þar er frábært útsýni.
Í Grindavík er margt skemmtilegt um að vera fyrir ferðafólk á sumrin. Sjóarinn síkáti er ein stærsta fjölskylduhátíð landsins, Jónsmessugangan nýtur mikilla vinsælda, Náttúruvikan á Reykjanesi er afar skemmtileg og þá stendur Grindavíkurbær fyrir gönguhátíð um verslunarmannahelgina sem nýtur vaxandi vinsælda.
Sjá nánar á www.visitgrindavik.is
FIM
04-06-2020
13°C
SSV 2
FÖS
05-06-2020
8°C
NNA 10
LAU
06-06-2020
7°C
N 6
SUN
07-06-2020
8°C
SSA 4
MÁN
08-06-2020
10°C
SSA 12
ÞRI
09-06-2020
8°C
SV 10
MIÐ
10-06-2020
9°C
SSA 6
Gögn eru sótt frá Vedur.is, veður stöðin heitir: Grindavík
Vegalengd Frá Reykjavík




© Anton Stefánsson | antonstefans@gmail.com